بہاولپور، 03 مئی(اے پی پی):وزیر ہاؤسنگ اینڈ ورکس میاں ریاض حسین پیرزادہ نے کہا ہے کہ وفاقی حکومت عوام کی فلاح و بہبود کے لیے موثر اقدامات کر رہی ہے جبکہ وزیراعظم شہباز شریف کی دانشمندانہ قیادت میں ملکی معیشت درست سمت میں گامزن ہے۔
ای-خدمت مرکز بہاولپور کے دورہ کے دوران میڈیا بریفننگ میں ای ۔خدمت مرکز میں جاری کام اور عملہ کی صلاحیت کو سراہتے ہوئے ان کا کہنا تھا کہمسلم لیگ ن عوام کی خدمت پر یقین رکھتی ہے اور ہمیشہ ملک کی بہتری کے لیے کام کیا ہے۔انہوں نے کہا کہ ای- خدمت مرکز عوام کو ایک چھت تلے 160 سے زائد خدمات فراہم کر رہا ہے۔مرکز خطے کے لوگوں کے لیے بڑا ریلیف ہے جبکہعوام کو فوری سہولیات کی فراہمی کے لیے پنجاب بھر میں ایسے مراکز کا قیام قابل ستائش ہے۔
ریاض حسین پیرزادہ نے کہا کہ وزیر اعلیٰ پنجاب مریم نواز نے جنوبی پنجاب کی ترقی کے لیے مثالی اقدامات کیے ہیں۔انہوں نے مزید کہا کہ پوری قوم متحد ہے اور پاک فوج کے ساتھ کھڑی ہے،ہماری مسلح افواج بھارت کی جارحیت اور مہم جوئی کا منہ توڑ جواب دے گی۔
