لاہور،06 مئی (اے پی پی): وزیراعلیٰ پنجاب مریم نواز شریف کی زیرِ صدارت خصوصی اجلاس منعقد ہوا ۔وزیراعلیٰ نے نواز شریف میڈیکل ڈسٹرکٹ کا جامع پلان طلب کر لیا ۔اجلاس میں سپیشلائزڈ ہیلتھ کیئر اینڈ میڈیکل ایجوکیشن نے جاری اور نئے پراجیکٹ پر بریفننگ دی ۔وزیراعلیٰ نے سرکاری ہسپتالوں کے لئے سٹیٹ آف آرٹ جدید ترین طبی آلات خریدنے کی ہدایت کی ۔
اجلاس میں نواز شریف میڈیکل ڈسٹرکٹ میں سکول آف پیرا میڈیکس بنانے کی تجویز پر اتفاق کیا گیا اور انسٹیٹیوٹ آف جینٹک اینڈ بلڈ ڈیزیز نواز شریف میڈیکل ڈسٹرکٹ میں بنانے کا فیصلہ کیا گیا ۔ نواز شریف میڈیکل ڈسٹرکٹ میں سرجیکل آرتھو پیڈک میڈیسن ری ہیبلی ٹیشن بنے گا وزیراعلیٰ پنجاب نے لیڈی ولنگٹن ہسپتال پراجیکٹ کی چھ ماہ میں تکمیل کی ہدایت کی اور زیرتکمیل پراجیکٹس کی بروقت تکمیل کے لئے اقدامات کا حکم دیا ۔ وزیر اعلیٰ نے راولپنڈی میں چلڈرن ہسپتال کی تکمیل کے لئے فنڈز کے اجراء کی ہدایت کی چلڈرن ہسپتال راولپنڈی کے لئے بہترین ڈاکٹر کی خدمات حاصل کرنے کا حکم بھی دیا ۔
اجلاس میں ہرنمایاں شہر میں کارڈیالوجی سینٹر بنانے کا اصولی فیصلہ کیا ۔وزیراعلیٰ مریم نواز شریف نے ہیلتھ کے تمام پراجیکٹ کا تفصیلی جائزہ لیا اور کہا کہ 60فیصد سے زائد مکمل پراجیکٹ کی جلد تکمیل پر توجہ دی جائے ۔ ہیلتھ پراجیکٹس میں تاخیر سے عوامی مشکلات کے ساتھ لاگت بھی بڑھ جاتی ہے ۔
