وزیراعلی پنجاب کی ہدایت پر جشن آزادی بھرپور انداز میں ماننے کا فیصلہ کیا گیا ہے؛ڈپٹی کمشنر

ملتان،26جولائی(اے پی پی): ڈپٹی کمشنر وسیم حامد سندھو نے کہا ہے کہ وزیراعلی پنجاب مریم نواز شریف کی ہدایت پر جشن آزادی بھرپور انداز میں ماننے کا فیصلہ کیا گیا ہے اس سلسلے میں یوم آزادی پر آپریشن بنیان المرصوص اور معرکہ حق کی عظیم فتح کا جشن بھی منایا جائے گا۔

ان خیالات کا اظہار انہوں نے  ڈپٹی کمشنر آفس میں ضلعی محکموں کے اجلاس کی صدارت کرتے ہوئے کیا۔ڈپٹی کمشنر وسیم حامد سندھو نے اجلاس سے خطاب کرتے ہوئے کہا کہ یوم آزادی کی تقاریب میں پاک افواج کو بھرپور خراج تحسین پیش کیا جائے گا جبکہ تمام محکمے شہر کی سجاوٹ اور تقاریب کے انعقاد کو یقینی بنائیں۔

ڈپٹی کمشنر نے کہا کہ مرکزی بازاروں ،عمارات کو سجاکر بھرپور بریڈنگ کی جائے گی۔جشن آزادی میراتھن دوڑ ،موٹر سائیکل ریلی اور میوزیکل پروگرام بھی منعقد ہوگا۔ان کا کہنا تھا کہ وطن کی خاطر جانیں قربان کرنے والے ہیروز کی فیملیز مہمان خصوصی ہونگی۔

ایڈیشنل ڈپٹی کمشنر جنرل محمد سیف اور ایڈیشنل ڈپٹی کمشنر ریونیو محمد ابو بکر نے بھی شرکت کی۔