ملتان یکم اگست )اے پی پی):وزیراعلیٰ پنجاب مریم نواز شریف کی ہدایت پر ملتان ڈویژن میں جشن آزادی تقاریب کا آغاز کردیا گیا ہے اس سلسلے میں ضلعی انتظامیہ کے زیر اہتمام چوک گھنٹہ گھر پر یکم اگست کے سلسلے میں مرکزی پرچم کشائی تقریب کا انعقاد کیا گیا اس موقع پر کمشنر عامر کریم خاں، ڈپٹی کمشنر وسیم حامد سندھو اور سی پی او صادق علی ڈوگر نے پرچم سربلند کرکے جشن آزادی تقاریب کا آغاز کیا بعد ازاں کمشنر اور ڈپٹی کمشنر نے ضلع کونسل ہال میں بھی پرچم کشائی کی اور دعا کرائی۔عامر کریم خاں اور وسیم حامد سندھو نے سی پی او صادق علی ڈوگر کے ہمراہ سول سوسائٹی کے ہمراہ پورے بھی لگائے۔ ایڈیشنل کمشنر کوآرڈینشین کریم بخش ،ایڈیشنل ڈپٹی کمشنرز محمد سیف اور محمد ابوبکر سمیت ضلعی افسران بھی موجود تھے۔اس موقع پر چوک گھنٹہ گھر میں کمشنر عامر کریم خاں اور ڈپٹی کمشنر نے شاندار ریلی کی قیادت بھی کی جس میں پی ایچ اے،کارپوریشن اور ضلع کونسل سمیت ضلعی محکموں کے افسران و اہلکاروں نے بھرپور شرکت کی۔کمشنر عامر کریم خاں نے میڈیا سے گفتگو کرتے ہوئے کہا کہ وزیراعلی پنجاب نے جشن آزادی تقاریب بھر پور انداز میں منانے کا حکم دیا ہے اس سلسلے میں جشن آزادی کے موقع پر آپریشن معرکہ حق کی فتح کا بھی جشن منایا جارہا ہے۔عامر کریم خاں نے کہا کہ وطن عزیز ہمارے آباواجداد اجداد کی عظیم قربانیوں کا نتیجہ ہے۔یومِ آزادی قومی اتحاد، قربانی اور استقامت کا پیغام دیتا ہے.کمشنر ملتان نے کہا کہ یکم سے 14 اگست تک مسلسل مختلف تقاریب منعقد ہونگی۔ڈپٹی کمشنر وسیم حامد سندھو نے کہا کہ ضلعی انتظامیہ عمارتوں میں چراغاں ،فلوٹ اور بھرپور لائٹنگ کرے گی جبکہ 14 اگست تک تمام محکمے پرچم کشائی تقاریب اور شہداءکو خراج تحسین پیش کرینگے۔وسیم حامد سندھو کا کہنا تھا کہ یوم آزادی کے حوالے سے نئی نسل کو قربانیوں سے آگاہ کرنا ناگزیر ہے اس جشن کو دوبالا کرنے کیلئے بازاروں اور مارکیٹوں کو جھنڈوں اور لائٹنگ سے سجایا جائے گا قبل ازیں کمشنر اور ڈپٹی کمشنر نے چوک گھنٹہ گھر پر فلوٹ اور آزادی کارواں کا بھی افتتاح کیاَ۔
