لاہور یکم ستمبر(اے پی پی)مسلسل سیلابی و بارشی صورتحال کے باعث صوبہ بھر میں اشیاء ضروریہ کی دستیابی اور قیمتوں کی کڑی نگرانی کی جا رہی ہے۔سیکرٹری پرائس کنٹرول ڈاکٹر احسان بھٹہ کا صوبہ بھر کے ڈسٹرکٹ فوڈ کنٹرولز سے بذریعہ ویڈیو لنک اجلاس۔ڈی جی فوڈ نوید شہزاد مرزا کی گندم سٹاک کی حفاظت اور ممکنہ خطرات اور انتظامات بارے بریفنگ دیتے ہوئے بتایا کہ جھنگ سے ٹوبہ ٹیک سنگھ مکمل سٹاک کی بروقت منتقلی پر فوڈ ڈیپارٹمنٹ کی تعریف کی گئی سیکرٹری پرائس کنٹرول نے ہدایات دیتے ہوئے کہا کہ اٹا ،چینی اور دیگر اجناس کی دستیابی اور قیمتوں پر کڑی نظر رکھی جائےاور مشکل کی اس گھڑی میں گراں فروشی اور ناجائز ذخیرہ اندوزی پر زیرو ٹالرینس اور سیلاب زدہ علاقوں کے افسران فلڈ مانیٹرنگ سیل سے مسلسل رابطہ یقینی بنائیں اور متعلقہ ڈپٹی کمشنرز کے ساتھ کوآرڈی نیشن اور مطلوبہ سبزیوں اور اجناس کی دستیابی ترجیحی بنیادوں پر کی جائے، اس موقع پر ایڈیشنل سیکرٹری ایڈمن سیدہ رملہ علی اور ایڈیشنل سیکرٹری کماڈیٹیز خالد بشیر بھی موجود تھے۔
