اسلام آباد، 06نومبر (اے پی پی):وزیراعظم محمد شہباز شریف سے بلوچستان عوامی پارٹی کے صدر اور وفاقی وزیر سائنس و ٹیکنالوجی خالد حسین مگسی اور سینیٹر منظور احمد کاکڑ، پاکستان مسلم لیگ ضیاء کے رکن قومی اسمبلی اعجاز الحق، نیشنل پارٹی کے رکن قومی اسمبلی میر پلین بلوچ اور عوامی نیشنل پارٹی کے صدر سینیٹر ایمل ولی خان اور سینیٹر عمر فاروق نے جمعرات کو یہاں الگ الگ ملاقاتیں کیں۔ ملاقاتوں میں مجوزہ 27 ویں آئینی ترمیم پر گفتگو اور مشاورت ہوئی۔
نائب وزیراعظم و وزیر خارجہ محمد اسحاق ڈار، سپیکر قومی اسمبلی سردار ایاز صادق، وزیر دفاع خواجہ محمد آصف، وزیر اقتصادی امور احد خان چیمہ، وزیر قانون اعظم نذیر تارڑ، وفاقی وزیر اطلاعات و نشریات عطاء اللہ تارڑ، وزیر پارلیمانی امور ڈاکٹر طارق فضل چوہدری اور وزیراعظم کے مشیر رانا ثناء اللہ بھی ملاقات میں موجود تھے۔
