اسلام آباد، 3 جون (اے پی پی): گورنر خیبرپختونخوا فیصل کریم کنڈی نے وفاقی وزیر ریلوے محمد حنیف عباسی سے ملاقات کی جس میں باہمی دلچسپی کے امور پر تبادلہ خیال کیا گیا۔
ملاقات کے دوران گورنر خیبرپختونخوا نے ریلوے میں جاری اصلاحات اور بہتری کے اقدامات کو سراہتے ہوئے انہیں عوامی سہولت کے لیے اہم قرار دیا۔
فیصل کریم کنڈی نے کہا کہ ریلوے کے شعبے میں اصلاحات سے سفری سہولیات میں بہتری آ رہی ہے اور عوام کا اعتماد بحال ہو رہا ہے۔
ملاقات میں ملک کی مجموعی سیاسی و معاشی صورتحال اور عوامی مسائل کے حل سے متعلق امور پر بھی گفتگو کی گئی۔
دونوں رہنماؤں نے قومی ترقی، بہتر طرز حکمرانی اور عوامی خدمت کے فروغ کے عزم کا اعادہ کیا۔
