اسلام آباد، 20جون (اے پی پی ):وزیر اعظم عمران خان سے بزنس کمیونٹی کے نمائندگان نے ملاقات کی ، ملاقات میں عقیل کریم ڈھیڈی، محسن سنگانی، احمد چنائے ، دارو خان، زبیر طفیل، زبیر موتی والا، جاوید بلوانی، علی حبیب اور ایس ایم منیر شریک تھے جبکہ وزیر توانائی عمر ایوب ، مشیر خزانہ ڈاکٹر عبدالحفیظ شیخ، وزیر مملکت حماد اظہر، ڈاکٹر عشرت حسین، مشیر تجارت عبدالرزاق داؤد، چیئرمین ایف بی آر شبر زیدی بھی اس موقع پ رموجود تھے۔
بزنس کمیونٹی کے نمائندگان نے حکومت کی جانب سے جاری معاشی اصلاحات پر تجاویز پیش کیں، وزیر اعظم نے اس موقع پر کہا کہ ملک میں کاروباری سرگرمیوں کا فروغ اورمینوفیکچرنگ سیکٹر کی ترویج حکومت کی اولین ترجیح ہے۔معاشی مشکلات پر قابو پانے اور معیشت کے استحکام کے لیے حکومت اور بزنس کمیونٹی کے مابین موثر اشتراک کی ضرورت ہے۔
بزنس کمیونٹی کے نمائندگان نے کہا کہ معاشی اصلاحات کے عمل میں کاروباری برادری حکومت کے ساتھ کھڑی ہے اور معاشی اصلاحات کے عمل کو آگے بڑھانے میں مکمل تعاون کرے گی۔
وی این ایس، اسلام آباد
