اسلام آباد ، 27 اگست ( اے پی پی ): صدر مملکت ڈاکٹر عارف علوی نے کہا ہے کہ کشمیر میں بھارت کے فاشسٹ اور یکطرفہ اقدامات نے علاقائی اور عالمی امن کو خطرے میں ڈال دیا ہے،بھارتی افواج کی مظلوم کشمیریوں پر ظلم و تشدد کے باعث اقلیتیں غیر محفوظ ہیں۔
برطانوی ایم پی خالد محمود کی قیادت میں برطانیہ کے پارلیمانی وفد سے ملاقات میں صدر مملکت نے کہا کہ عالمی برادری کو چاہیے کہ وہ بھارتی بربریت کا نوٹس لے۔ انہوں نے کہا کہ وفد کشمیر میں ہونے والی انسانی حقوق کی خلاف ورزیوں سے متعلق عوام اور پارلیمان کے دوسرے ممبران کو آگاہ کرے۔
وی این ایس ، اسلام آباد
