پشاور، 16مارچ(اے پی پی): وزیر اعلی خیبر پختونخواہ محمود خان نے آج ڈی آئی خان میں کورونا کے ایک مشتبہ اور قرنطین کردہ مریض قیصر خان سے موبائل فون پر رابطہ کیا اور فراہم کی جانے والی سہولیات کے بارے میں معلومات حاصل کیں۔
قیصر خان نے صوبائی حکومت کی طرف سے انتظامات پر مکمل اظہار کرتے ہوئے کہا کہ ڈی آئی خان میں انہیں اور ان کے دیگر ساتھیوں کو بلوچستان کی نسبت بہترین سہولیات فراہم کی جارہی ہیں اور وہ صوبائی حکومت کے انتظامات سے مکمل مطمئن ہیں۔
وزیر اعلی محمود خان نے قیصر خان سے گفتگو کرتے ہوئے کہا کہ ہمیں اس مشکل وقت میں ہمت سے کام لینا پڑےگا اور ہم سب ملکر اس وائرس کو شکست دیں گے۔
وی این ایس پشاور
