لاہور15 فروری (اے پی پی ): وزیراعلیٰ پنجاب سردار عثمان بزدار کی زیر صدارت صوبائی کابینہ کا 41واں اجلاس ہوا۔پنجاب کابینہ کے اجلاس میں ڈویلپمنٹ اتھارٹیز ایکٹ 2014 کے مینجمنٹ اینڈ ٹرانسفر آف پراپرٹیز کے سیکشن 19کے تحت ایل ڈی اے سٹی نیا پاکستان اپارٹمنٹس میں فلیٹوں کی الاٹمنٹ کے طریقہ کار کی منظوری دی گئی ۔کابینہ نے ایل ڈی اے کو اپارٹمنٹس کے لئے بینک آف پنجاب کے ساتھ معاہدے کی منظوری دی۔پہلے مرحلے میں ایل ڈی اے سٹی میں 4000 اپارٹمنٹس بنائے جائیں گے۔ایک فلیٹ کی قیمت تقریبا 27 لاکھ روپے تک ہو گی۔اپارٹمنٹس میں 50 فیصد کوٹہ عوام کے لئے ہو گا۔20 فیصد کوٹہ صوبائی ملازمین، 20 فیصد کوٹہ ایل ڈی اے ملازمین اور 10 فیصد کوٹہ وفاقی ملازمین کیلئے مختص ہو گا۔وزیراعلی پنجاب عثمان بزدار نے صحافی ا ور وکلاء برادری کیلئے بھی کوٹہ مختص کرنے کی ہدایت کی اور کہا کہ صحافی اور وکلاء برادری کے لئے خصوصی کوٹہ مقرر کرنے کا جائزہ لیا جائے -پنجاب کابینہ نے سول سیکرٹریٹ میں کام کرنے والے چھوٹے ملازمین کو اپ گریڈ کرنے کا فیصلہ کیا کابینہ نے ڈرائیورز، آٹو الیکٹریشنز، مکینکس، ڈسپیچ رائیڈرزکو اگلے گریڈ میں ترقی دینے کی منظوری دے دی اس فیصلے سے11 ہزار سے زائد چھوٹے ملازمین مستفید ہوں گے۔کابینہ نے ملتان میں پرانی غلہ منڈی گودام کی جگہ 200بستروں پر مشتمل مدر اینڈ چائلڈ ہسپتال کے قیام کی باقاعدہ منظوری دی ۔ہسپتال کے قیام کے لئے 500 ملین روپے کے فنڈز کی بھی منظوری دی ۔پنجاب میں 2 مزید سیمنٹ پلانٹ لگانے کی منظوری۔نئے سیمنٹ پلانٹ ڈیرہ غازی خان اور میانوالی میں لگائے جائیں گےنئے سیمنٹ پلانٹس لگنے سے اربوں روپے کی نئی سرمایہ کاری ہو گی اور روزگار کے نئے مواقع پیدا ہوں گے ۔وزیر اعلی عثمان بزدار نے دیگر سیمنٹ پلانٹس کے این او سیز کے اجراء کے عمل کو مزید تیز کرنے کی ہدایت کی اور محکمہ بہبود آبادی میں کام کرنے والے ڈاکٹرز کوبھی خصوصی الاؤنس دینے کا فیصلہ کیا کابینہ نے محکمہ بہبود آبادی کے ڈاکٹرز کو ہیلتھ پروفیشنل اینڈ سپیشل ہیلتھ کیئر الاؤنس دینے کی منظوری دے دی۔ پنجاب میں کچی آبادیوں کو ریگولر کرنے کی سکیم پر نظر ثانی کیلئے اعلی سطح کی کمیٹی تشکیل کمیٹی کچی آبادیوں سے متعلقہ امور کا جائزہ لیکر حتمی سفارشات پیش کرے گی۔محکمہ قانون کو دی پنجاب کنسولیڈیشن آف ہولڈنگز(Consolidation of Holdings) آرڈیننس 1960 سے متعلقہ امور کا جائزہ لینے کی ہدایت کی محکمہ قانون اشتمال کے عمل کو جلد از جلد مکمل کرنے کے حوالے سے سفارشات پیش کرے گا۔پنجاب کابینہ نے صوبائی ڈرگ مانیٹرنگ ٹیم کے قیام کی منظوری دے دی ۔کابینہ نے پنجاب ہیپاٹائٹس رولز کے مسودے کی منظوری دے دی
پنجاب میوزیم ایکٹ 2021کے مسودے کی منظوری اور پاکستان ٹریول ایجنسی ایکٹ 1976 میں ترامیم کی منظوری دی گئی ۔اجلاس میں سرکاری یونیورسٹیوں میں رجسٹرار اور کنٹرولر آف ایگزمینیشن کے عہدوں کے لئے قواعد وضوابط(ٹرمز اینڈ کنڈیشنز) کی منظوری
پنجاب پولیس ڈیپارٹمنٹ (Ministerial Posts)رولز 2017 میں ترمیم کی منظوری اس ترمیم سے سٹینوگرافرز اہلیت کا معیار میں تبدیلی کی جا سکے گی۔کابینہ نے پرائیویٹ وائلڈ لائف بریڈنگ فارمز کی رجسٹریشن اور تجدید کی فیس میں اضافے کا فیصلہ کابینہ نے رجسٹریشن اور تجدید کی فیس میں اضافے کی منظوری دے دیفاریسٹ ایکٹ میں ترمیم کی منظوری پنجاب اربن اینڈ پیری اربن فاریسٹ پالیسی 2020 کی منظوری کابینہ نے انفراسٹرکچر ڈویلپمنٹ اتھارٹی پنجاب کو اسلام آباد میں ترقیاتی منصوبوں پر فاسٹ ٹریک سے عملدرآمد کے لئے کام کرنے کی اجازت دے دی۔کابینہ نے ایم آئی ٹی ایکٹ کو میوہسپتال اور کنگ ایڈورڈ میڈیکل کالج میں نافذ کرنے کی منظوری دے دی ۔دی پنجاب میڈیکل ٹیچنگ انسٹی ٹیوشنز (ریفارمز)ترمیمی ایکٹ 2020 میں ترمیم کی منظوری پنجاب کابینہ نے سرکاری اراضی ملتان جمخانہ کو لیز پر دینے کا جائزہ لینے کے حوالے سے کمیٹی تشکیل دے دی
پنجاب کابینہ کو محکمہ زراعت کی کارکردگی کے بارے میں بریفنگ بی دی گئی زرعی شعبہ کی ترقی اور کسانوں کو زیادہ سے زیادہ سہولتیں فراہم کرنے کے لئے وزارتی کمیٹی تشکیل
کمیٹی میں زرعی ماہرین بھی شامل ہوں گے۔کمیٹی پنجاب کابینہ کو حتمی سفارشات پیش کرے گی۔اجلاس میں پنجاب کابینہ کے 40ویں اجلاس کی کارروائی کی توثیق کی گئی
کابینہ سٹینڈنگ کمیٹی برائے فنانس اینڈ ڈویلپمنٹ کے 48ویں،49ویں اور50 ویں اجلاسوں کے فیصلوں کی توثیق کی گئی۔کابینہ سٹینڈنگ کمیٹی برائے قانونی امور کے 44ویں، 45ویں،46ویں اور 47ویں اجلاسوں کے فیصلوں کی توثیق کی گئی۔اجلاس میں صوبائی وزیر نعمان لنگڑیال کے والد ملک اقبال احمد لنگڑیال کے انتقال پر فاتحہ خوانی کی گئی پنجاب کابینہ کا نعمان لنگڑیال سے والد کے انتقال پر اظہار تعزیت کی۔صوبائی وزراء، مشیران، معاونین خصوصی، چیف سیکرٹری اور اعلی حکام نے اجلاس میں شرکت کی۔
