ملتان، 08 مارچ (اے پی پی ):چئیرمین ثالثی کونسل جاوید اختر محمود کی طلاق، خلع کے کیسوں کی شنوائی،ثالثی کونسل کے اجلاس میں 19 خلع، 24 طلاق کے کیسوں پر فیصلہ سنایا گیا ہے۔
کمشنر جاوید اختر محمود نے کہا معاشرے میں توازن برقرار رکھنے کیلئے ثالثی کونسل کا کردار اہم ہے اور دوسری شادی سے قبل پہلی بیوی یا ثالثی کونسل کی اجازت ضروری ہے۔انہوں نے کہا کہ اللہ پاک نے طلاق کو ناپسندیدہ فعل قرار دیا ہے اور دوسری شادی کیلئے اجازت کے قانون کی خلاف ورزی سے مسائل جنم لیتے ہیں۔
کمشنر جاوید اختر محمود نے کہا کہ سرٹیفکیٹ کے حصول کیلئے دربدر لوگوں کو انکی دہلیز پر انصاف ملے گا۔انہوں نے خلع لینے والی خواتین سے خاندانی دباؤ بارے بات چیت کی اور کہا کہ ثالثی کونسل کی جانب سے جوڑوں کے شادی شدہ تعلق کو بچانے کیلئے ثالث مقرر کیا گیا ہے۔
انہوں نے کہا کہ ڈائیریکٹر لوکل گورنمنٹ نے حتمی فیصلے سے پہلے 3 نوٹس جاری کئے ہیں، مسلم عائلی قانون 1961 شق 8 کے تحت فیصلے کئے گئے ہیں۔ کمشنر نے طلاق خلع کے 43 کیسوں پر حتمی فیصلہ اور موقع پر سرٹیفکیٹ بھی جاری کئے۔
