کوہلو، 23 مارچ (اے پی پی ): یوم پاکستان کی مناسبت سے کیڈٹ کالج کوہلو میں پروقار تقریب کا اہتمام کیا گیا ، پرنسپل کیڈٹ کالج کوہلو لیفٹیننٹ کرنل فاروق نے پرچم کشائی کرکے تقریب کا باقاعدہ آغاز کیا جبکہ کیڈٹس کے چاق و چوبند دستے نے سلامی دی اورخصوصی پریڈ کا اہتمام کیا۔
یوم پاکستان کی مناسبت سے پرنسپل کیڈٹ کالج کوہلو نے پیغام میں کہا کہ 23مارچ یوم تجدید عہد کا دن ہے، اس دن دنیا کے نقشے پرمسلمانوں نے اپنی ایک آزاد مملکت کی بنیاد رکھی ہے۔ یوم پاکستان کو تاریخ کے سنہری اوراق میں یاد رکھا جائے گا۔ قیام پاکستان کے لئے جو قربانیاں دی گئی وہ ناقابل فراموش ہیں جبکہ پوری قوم نے متحد ہوکر یوم پاکستان کو جوش وخروش سے منا کر پوری دنیا کوجذبہ حب الوطنی کا پیغام دیا ہے۔23مارچ 1940برصغیر کی تاریخ کا ایک ایسا عظیم دن ہے جو تمام پاکستانیوں کیلئے قابل فخر ہے آج کا دن تدبر قائد و فکر اقبال کا مشترکہ عکاس ہے ۔
اس موقع پر ملک کی سلامتی و استحکام اور ترقی وخوشحالی کیلئے خصوصی دعا کی گئی۔
اس موقع پر وائس پرنسپل سیف اللہ کاکڑ،میس آفیسر میر اسلم فاروق مری سمیت اساتذہ کرام ودیگر اسٹاف کے افسران موجود تھے۔
