اسلام آباد۔30مارچ (اے پی پی):چیئرمین سینیٹ محمد صاد ق سنجرانی سے اٹلی کے سفیرآندریاس فیراریس نے پارلیمنٹ ہاؤس میں ملاقات کی۔ سینیٹ سیکرٹریٹ کے مطابق اٹلی کے سفیر نے چیئرمین سینیٹ کو اٹلی کے وزیراعظم، پارلیمان اور خاص طور پر اٹلی کی سینیٹ کی صدر اور عوام کی جانب سے نیک خواہشات کا پیغام دیتے ہوئے مبارک باد دی۔ ملاقات کے دوران باہمی دلچسپی کے امور پر تفصیلی تبادلہ خیال کیا گیا۔ ملاقات میں محمد صادق سنجرانی نے کہا کہ دونوں ممالک کے درمیان پارلیمانی شعبوں میں تعاون اور ادارہ جاتی معاونت پر زور دیا گیا۔پاکستان اور اٹلی بین الاقوامی فورمز پر معاونت کو فروغ دینے کیلئے مزید کوششیں تیز کر نے کی وسیع گنجائش موجود ہے۔ انہوں نے کہا کہ دونوں ممالک کے مابین مختلف شعبوں میں تجارت کے وسیع مواقع موجود ہیں۔ اٹلی کو یوپی ممالک میں نمایاں مقام حاصل ہے۔ اس موقع پر اٹلی کے سفیر نے کہا کہ پاکستان میں جمہوریت فروغ پا رہی ہے۔پاکستان میں سرمایہ کاری کے وسیع مواقع موجود ہیں ان سے بھر پور فائدہ اٹھایا جائے گا۔
