لاہور 3 مئی(اے پی پی): وزیراعلیٰ پنجاب سردار عثمان بزدار سے مسلم لیگ (ن) کے رکن پنجاب اسمبلی اظہر عباس چانڈیا نے ملاقات کی۔ ملاقات میں پی پی 269 سے منتخب رکن پنجاب اسمبلی اظہر عباس چانڈیا نے وزیراعلیٰ عثمان بزدار کو اپنے حلقے کے مسائل سے آگاہ کیا جس پر وزیراعلیٰ عثمان بزدار نے حلقے کے مسائل ترجیحی بنیادوں پر حل کرنے کی یقین دہانی کروائی۔
وزیر اعلیٰ عثمان بزدار نے کہا کہ خلوص نیت سے عوام کی خدمت میں مصروف ہیں، سابق حکومتوں نے چھوٹے شہروں کو ترقی کے سفر سے محروم رکھا، مظفرگڑھ اور جنوبی پنجاب کے دیگر شہروں کی جانب وسائل کا رخ پہلی بار موڑا گیا ہے، جنوبی پنجاب سیکرٹریٹ کا سنگ بنیاد رکھ دیا ہے اور سیکرٹریٹ کی عمارت کو جلد مکمل کیا جائے گا، سابق حکمرانو ں نے جنوبی پنجاب کے عوام کو صرف کھوکھلے نعروں سے بہلایا لیکن کھوکھلے نعروں سے بہلانے والوں کو عوام نے عام انتخابات میں آئینہ دکھای، ہماری حکومت ہر وعدے کو پورا کر رہی ہے۔
اظہر عباس چانڈیا نے وزیراعلیٰ عثمان بزدار پر اعتماد کا اظہار کرتے ہوئے کہا کہ آپ نے ہمیشہ ہماری بات سنی اور مسائل حل کئے ہیں، آپ نے ہمیں عزت و احترام دیا ہے۔
ریحانہ
