ملتان، 12 مئی (اے پی پی): چائلڈ پروٹیکشن اینڈ ویلفیئر بیورو میں رہائش پذیر لاوارث بے آسرا بچوں کی عید کی تیاریاں جاری ہیں، عیدالفطر کے لئے بچوں کو نئے کپڑے،جوتے، سینڈلز مہیا کر دئیے گئے ہیں۔ ڈسٹرکٹ آفیسر چائلڈ پروٹیکشن بیورو عرفان فرید نے بچوں میں نئے کپڑے، جوتے، سینڈلز اور تحائف تقسیم کئے ہیں۔
ترجمان نوید مختارچائلڈ پروٹیکشن اینڈ ویلفیئر بیورو کے مطابق بچوں نے عید کے موقع پر نئے کپڑے جوتے پاکر خوشی کا اظہار کیا چائلڈ پروٹیکشن اینڈ ویلفیئر بیورو میں رہائش پذیر بچوں کے لئے عید پر خصوصی انتظامات کئے جائیں گےعید کے تینوں دن بچوں کے لئے کھانے کے سپیشل مینیو اور سٹالز کا انتظام کیا جائے گا تاکہ ان لاوارث بے آسرا بچوں کو اپنے گھر اور والدین کی کمی محسوس نہ ہو۔
