کوءٹہ20،مئی(اے پی پی): وزیراعلی بلوچستان جام کمال خان سے بلوچستان عوامی پارٹی کے رہنما میر فرید رئیسانی کی قیادت میں ضلع کچھی اور مستونگ کے وفد نے ملاقات کی ملاقات میں سینیٹر منظور احمد کاکڑ بھی موجود تھے ملاقات میں وفد نے وزیراعلی کو علاقے کے عوام کو بجلی، گیس، تعلیم سمیت دیگر درپیش مسائل سے آگاہ کیا ۔ وفد نے علاقے میں بجلی کی کم وولٹیج اور موبائل سگنلز کے مسائل سے آگاہ کیا اس موقع پر وزیراعلی بلوچستان جام کمال خان نے کہا کہ ضلع کچھی اور مستونگ کی تعمیر وترقی کے لیے تمام دستیاب وسائل کو بروئے کار لایا جائے گا تمام اضلاع میں یکساں بنیادوں پر ترقیاتی کام ہو رہے ہیں ۔ وزیراعلی نے کہا کہ مستونگ کے علاقے دشت کی ترقی کیلئے جامع ترقیاتی پیکیج لا رہے ہیں ۔ نوجوانوں کو روزگار کی فراہمی کے لیے ٹھوس اقدامات کر رہے ہیں عوام کو بنیادی سہولیات کی فراہمی کے لیے ہر ممکن اقدامات کیے جائیں گے اور ضلع کچھی اور مستونگ کے مسائل جلد از جلد حل کیے جائے گئے
