پشاور، 2جون(اے پی پی): صوبائی وزیر تعلیم شہرام خان ترکئی نے کہا ہے کہ محکمہ تعلیم خیبر پختونخوا نے بچوں کو جون میں ہونے والے امتحانات کی تیاری کروانے کے لئے ایپ تیار کرلی ہے جس سے طلباء و طالبات 3 بجے سے رات 10 بجے تک فری ان لائن کلاسز لے سکتے ہیں۔
ان خیالات کا اظہار صوبائی وزیر نے اطلاعات سیل میں منعقدہ پریس کانفرنس سے خطاب کرتے ہوئے کیا۔ شہرام خان ترکئی نے کہا کہ بچوں کی آسانی کے لئے “ن” اکیڈمی نامی ادارہ طلباء کو محدود کورس کی تیاری کر وائے گا۔ انہوں نے کہا کہ آن لائن کورس کا ریکارڈ بھی ایپ پر موجود ہوگا جو بعد ازاں طلباء دیکھ سکیں گے۔
صوبائی وزیر نے کہا کہ صوبے میں 34 ہزار سکولز ہیں حکومت ان تمام سکولز کو ابھی پوری ٹیکنالوجی فراہم نہیں کرسکتی لیکن جن سٹوڈنٹس کے پاس اس ایپ تک رسائی ہے وہ ان سے استفادہ حاصل کر سکتے ہیں۔
صوبائی وزیر تعلیم شہرام ترکئی نے کہا کہ اگلے سال کا ہدف تمام سکولز میں فرنیچر فراہمی ہے جبکہ اس سال 3 ارب روپے کی لاگت سے صوبے کے 26 اضلاع کے 12 لاکھ طلباء کو فرنیچر دے رہے ہیں ۔انہوں نے کہا کہ تمام اساتذہ اور سٹاف سے درخواست ہے کہ وہ ویکیسنیشن کروائیں کیونکہ نجی سکول جتنی جلدی ویکیسنیشن کروائنگے، سکول کھولنے میں اتنی ہی آسانی ہوگی، اسکے ساتھ ساتھ صرف ان اساتزہ کی امتحانی ڈیوٹی لگائی جائے گی جنہوں نے ویکسین لگوائی ہو ہے۔
