ملتان، 03 جون (اے پی پی ):ترجمان پٹرولنگ پولیس کے مطابق پٹرولنگ پولیس ملتان ریجن نے ماہِ مئی میں شاہرات پر سفر کرنے والے1427 افراد کو مدد فراہم کی۔ شاہراوں پر تیز رفتاری،غفلت اور لاپرواہی سے ڈرائیونگ کرنے والے495افراد کے خلاف مقدمات کا اندراج کرایا اور ناجائز اسلحہ کے64مقدمات درج کرکے02 کلاشنکوف،03 رائفل، 11 گن، 46 پسٹل 195گولیاں برآمد کیے۔منشیات کے خلاف کریک ڈاؤن کرتے ہوئے123مقدمات درج کروائے اس کے علاوہ شراب نوشی کے ملزمان کے خلاف کاروائی کرتے ہوئے4381 لیٹر شراب اور 12780گرام چرس برآمد کی جبکہ دیگرمختلف نوعیت کے211 مقدمات بھی درج کروائے۔علاوہ ازیں جرائم پیشہ عناصر کے خلاف کاروائی کرتے ہوئے رقم مبلغ -/5000 روپے، چوری شدہ تین موٹر سائیکل، 02 راس بھینس اور 03 بچھڑے مالیتی 410000 روپے برآمد کیے۔اس کے علاوہ 15 گم شدہ بچوں کو ان کے وارثان کے حوالے کیا۔ 87 ناجائز تجاوزات ہائی ویز سے ہٹائی گئی ایس پی پٹرولنگ پولیس ملتان ریجن ہما نصیب نے پٹرولنگ پولیس، ملتان ریجن کے ملازمان کی کارکردگی کو سراہتے ہوئے شاباش دی اور اپنی کارکردگی مزید بہتر بنانے کی ہدایت کی ۔مزید کہاکہ تمام افسران و ملازمین کرونا وائرس کی تیسری لہر کی شدت سے بچنے کے لیے تمام احتیاطی تدابیر اختیار کریں۔پی ایچ پی ہیلپ لائن 1124 آپ کی مدد و رہنمائی کے لیے ہر وقت کوشاں ہے۔
