اسلام آباد، 25 جون (اے پی پی ): وزیرِ اعظم عمران خان سے وزیر برائے امور کشمیر و گلگت بلتستان علی امین گنڈا پور، سینیٹر سیف اللہ نیازی، عامر محمود کیانی اور معاونِ خصوصی وزیرِ اعلی پنجاب سردار تنویر الیاس نے جمعہ کو یہاں ملاقات کی ۔
ملاقات میں کشمیر میں ہونے والےانتخابات پر گفتگو کی گئی اور فیصلہ کیا گیا کہ آزاد کشمیر کے صدر، وزیرِ اعظم اور سپیکر کی نامزدگی کا فیصلہ الیکشن کے بعد وزیرِ اعظم خود کریں گے۔پاکستان تحریک انصاف آزاد کشمیر میں ہونے والے الیکشن میں بھرپور طریقے سے حصہ لے گی۔
ملاقات میں آزاد کشمیر قانون ساز اسمبلی کے رکن مرحوم صغیر چغتائی کیلئے فاتحہ خوانی بھی کی گئی ۔
