جلال پور پیروالا، 13 جولائی (اے پی پی ):محکمہ لائیوسٹاک کیجانب سے مویشی منڈی میں قربانی کے جانوروں کی خریدو فروخت کے لیے سیل پونٹ پر مفت ویٹرنری سروز کیمپ لگا دیا گیا ہے ، مویشی منڈی میں محکمہ لائیو سٹاک کی ٹیمیں دو شفٹوں میں کام کر رہی ہیں اور سیل پوائنٹ پر لائے گئے جانوروں میں مفت چیچڑ مار سپرے، فوری مفت علاج معالجہ اور قربانی کے مادہ جانور کے مفت حمل ٹیسٹ کی سروسز مہیا کر رہے ہیں۔
اس موقع پر ڈپٹی ڈائریکٹر لائیو سٹاک ڈاکٹر جمشید اختر کا کہنا تھا کہ شہریوں سے اپیل ہے کہ جانوروں کی خریدوفروخت کرتے وقت اچھی طرح معائنہ کریں، خیال رکھیں کے جانوروں کی کھال، کان یا ٹانگوں کے درمیان چیچڑ نہ ہوں اگر جانوروں کے جسم پر چیچڑ ہوں تو فوری طور پر اس کیمپ پر اپنے جانوروں کو چیچڑ مار سپرے کروائیں تاکہ قربانی کے جانور تمام بیماریوں سے محفوظ رہیں۔
