لاہور، 26 جولائی (اے پی پی ): وزیراعلیٰ پنجاب سردار عثمان بزدارسے چیئرمین پیمرا محمدسلیم بیگ نےملاقات کی ۔ ملاقات میں پنجاب حکومت کی جانب سے اپنا ٹی وی چینل شروع کرنے کے حوالے سے تبادلہ خیال کیا گیا۔
چیئرمین پیمراسلیم بیگ نے وزیراعلیٰ عثمان بزدار کو پیمرا کی سالانہ رپورٹ پیش کی۔ وزیراعلی عثمان بزدار نے پیمرا کی کارکردگی کو سراہا اور کہا کہ رائے عامہ ہموارکرنے میں میڈیاکا کردار کلیدی اہمیت رکھتا ہے۔ انہوں نے کہا کہ جدید دور میں میڈیا کی اہمیت اورذمہ داری پہلے سے زیادہ بڑھ گئی ہے، الیکٹرانک میڈیانے بہت جلد ترقی کی منازل طے کی ہیں۔
وزیر اعلیٰ نے کہا کہ قومی تعمیر وترقی کیلئے ذمہ دار میڈیا کا کرداراپنی جگہ مسلمہ ہے۔
ملاقات میں معاون خصوصی برائے اطلاعات ڈاکٹر فردوس عاشق اعوان ، لیگل ہیڈ پیمرا طاہر تارڑ، ریجنل جنرل مینجر پیمرا لاہور اکرم برکت اور ڈی جی پی آر پنجاب ثمن رائے بھی اس موقع پر موجودتھیں۔
