پشاور، 18اگست(اے پی پی): نویں محرم الحرام کے روز ریسکیو1122 نے امام بارگاہ حسینیہ ہال پشاور صدر میں عزاداروں کے لیے میڈیکل کیمپ قائم کیا جس میں ایمبولینسز، فائر ویکلز، الٹرین ویکل، ایمرجنسی میڈیکل ریسپانس یونٹ (بس) ضروری ادویات سمیت میڈیکل ٹیکنیشنز بھی تعینات کیے گئے ہیں۔
یوم عاشور خدمات کے سلسلے میں ریسکیو1122 نے اب تک 175 سے زائد عزاداروں کو طبی امداد فراہم کیں اور کم وبیش 12 عزاداروں کو ریسکیو ایمبولینس میں ہسپتال منتقل کیا، جہاں ڈسٹرکٹ ایمرجنسی آفیسر پشاور ڈاکٹر میر عالم خان نے خود زخمیوں کی مرہم پٹی کی۔ ریسکیو1122 نے ماتمی جلوس کے ہمراہ 10 اہلکاروں پر مشتمل خصوصی میڈیکل ٹیم کے علاوہ عزاداروں کو خدمات فراہم کرنے کے لیے مرد اہلکاروں کے ہمراہ خواتین میڈیکل ٹیکنشنز بھی تعینات کی ہیں۔
