تھرپارکر،18اگست(اے پی پی): محرم الحرام کی سیکیورٹی کے پیشِ نظر تھرپارکر پولیس کا مشترکہ فلیگ مارچ۔ ایس ایس پی تھرپارکر حسن سردار نیازی کے احکامات پر عملدرآمد کرتے ہوئے تھرپارکر پولیس کا امن و امان کو یقینی بنانے کے لیے مٹھی میں فلیگ مارچ کیا گیا۔ فلیگ مارچ میں ایس ایچ اومٹھی، انچارج 15 مددگار، متعلقہ افسران اور سپاہ سمیت افسران اور جوان شریک ہوئے۔ فلیگ مارچ ماڈل پولیس اسٹیشن مٹھی سے شروع ہو کر کشمیر چوک، سے ہوتے ہوئے شاہی بازار، امام بارگاہ ملوک شاہ، امام بارگاہ ابو طالب اور تمام امام بارگاہوں کے روٹس وزٹ کیئے اور پورے شہرکا چکر لگا کر واپس کشمیر چوک پر اختتام پذیر ہوا۔
فلیگ مارچ کے انعقاد کا مقصد قانون کی عملداری کا مظاہرہ کرنا، محرم الحرام کی سیکیورٹی کو یقینی بنانا، قانون کی بالا دستی کو قائم رکھنا ہے۔
