ملتان،26اگست(اے پی پی): سیکرٹری ہاوسنگ جنوبی پنجاب لیاقت علی چٹھہ نے کہا ہے کہ تمام صاف پانی کی سکیموں اور واٹر فلٹریشن پلانٹس کو فعال رکھنے کے لیے اقدامات کیے جائیں۔ اس سلسلے میں کوتاہی برداشت نہیں ہوگی۔ان خیالات کااظہار انہوں نے کوہ سیلمان ٹرائبل ایریا کے اچانک دورے کے دوران کیا۔ اس موقع پرانہوں نے37واٹر سپلائی سکیمیں اور 68واٹر فلٹریشن پلانٹس کا معائنہ اور فعال کرنے کی ہدایات جاری کر دیں۔ انہوں نے مزیدکہا کہ عوامی رابطہ مہم کو بہتر بنانے کے لیئے دفتر میں کنٹرول روم بھی بنا دیا گیا ہے جس پر عوام شکایات درج کروا سکتے ہیں ۔ نہوں نے کہا کہ کسی صورت بھی پلانٹس کوبند نہیں ہونا چاہیے ۔ آفیسران فیلڈ میں نکل کر مانیٹرنگ کو بہتر بنائیں تاکہ عوامی شکایات کا ازالہ ہوسکے ۔جنوبی پنجاب کی عوام کوتمام بنیادی سہولیات کی فراہمی کے لیئے مربوط حکمت عملی کے تحت کام کررہے ہیں۔ انہوں نے کہاکہ جلد ازجلد اور شفاف انداز سے ترقیاتی کاموں کو مکمل کیا جائے گا۔
