اسلام آباد، 08 ستمبر (اے پی پی ): پاک بحریہ کیجانب سے امریکی اور جرمن بحریہ کے جہازوں کے ہمراہ بحیرہ عرب میں مشترکہ بحری مشق میں حصہ لیا،مشق میں پاک بحریہ کے جہاز پی این ایس عالمگیر کے علاوہ امریکی بحریہ کے جہاز شیلوہ (USS SHILOH) اور جرمن بحریہ کے جہاز باٸیرن (FGS BAYERN) نے شمولیت کی ۔
ترجمان پاک بحریہ کے مطابق مشق کے دوران مختلف بحری آپریشنز کا انعقاد کیا گیا،یہ بحری مشق سمندری تحفظ اور علاقائی امن و استحکام کیلٸے پاک بحریہ کے عزم کی عکاسی کرتی ہے۔ پاک بحریہ اور امریکی بحریہ کے جہازوں کے مابین دو طرفہ بحری مشق کا بھی انعقاد کیا گیا۔ ان مشقوں کا مقصد دوست ممالک کی بحری افواج کے ساتھ تعلقات اور مشترکہ آپریشنز کی صلاحیت کو مزید فروغ دینا ہے۔
