اسلام آباد،15ستمبر (اے پی پی):وفاقی وزیر اطلاعات و نشریات چوہدری فواد حسین اور وزیر مملکت برائے اطلاعات فرخ حبیب سے پی بی اے، اے پی این ایس، سی پی این ای، پی ایف یو جے اور اے ای ایم ای این ڈی کے نمائندوں نے بدھ کو یہاں ملاقات کی۔ ملاقات کے دوران مجوزہ پاکستان میڈیا ڈویلپمنٹ اتھارٹی کے بارے میں تبادلہ خیال ہوا۔ میڈیا تنظیموں نے مجوزہ پاکستان میڈیا ڈویلپمنٹ اتھارٹی پر تحفظات کا اظہار کیا۔ اس موقع پر پی بی اے، اے پی این ایس، سی پی این ای، پی ایف یو جے، AEMEND اور وزارت اطلاعات کے نمائندوں پر مشتمل جوائنٹ ایکشن کمیٹی تشکیل دی گئی۔ کمیٹی میں فیک نیوز بالخصوص سوشل میڈیا پر جعلی خبروں، میڈیا ورکرز کے حقوق سمیت قوانین و ریگولیٹری فریم ورک کی مزید بہتری جیسے معاملات زیر بحث آئیں گے۔
