سکھر،30ستمبر(اے پی پی )لوگ ایک سال سے بارش کے لئے ترس گئے، بادل آتے ہیں مگر برستے نہیں،اب بھی بادل چھائے ہوئے ہیں، موسم خوشگوار ہوگیا ہے تاہم لوگ بارش کی خواہش لئے پھر رہے ہیں۔جمعرات کو سکھر اور گرد و نواح کے علاقوں میں آسمان پر بادل چھا گئے ہیں جس کی وجہ سے گرمی کا زور ٹوٹ گیا اور موسم بہت خوش گوار ہوگیا ہے۔
سکھر کے علاقوں میں گزشتہ ایک سال سے بارش نہیں ہوئی جس کی وجہ سے یہاں درجہ حرارت بلند ترین سطح پرچلا جاتا ہے اور شدید گرمی کی کے باعث کاروبار زندگی مفلوج ہوکر رہ جاتا ہے۔محکمہ موسمیات کی ایک جائزہ رپورٹ کے مطابق سکھر اور ان کے ملحقہ اضلاع میں رواں سال کے دوران درجہ حرارت بلند ترین سطح ریکارڈ کیا گیا ، بارشیں بھی نہیں ہوئیں جس کے باعث علاقہ میں گرمی کی شدید لہر موجود رہی ہے۔ اس علاقوں میں سمندری طوفانوں کے اثرات بھی کم پڑتے ہیں۔
