اسلام آباد،10اکتوبر (اے پی پی):وزیراعظم عمران خان نے اتوار کو یہاں عشرہ رحمت اللعالمین ﷺکی مرکزی تقریب سے خطاب میں کہا ہے کہ وہی معاشرے ترقی کرتے ہیں جن میں قانون کی بالادستی ہوتی ہے، فیکٹ آئی مشن کے مطابق ملکوں کے غریب رہ جانے کی بنیادی وجہ کرپشن ہے ، اوپر کی سطح پر اگر اربوں روپے کی کرپشن ہو رہی ہو تو کلرک اور پٹواری کو پکڑنے سے کرپشن ختم نہیں ہو گی ، چین نے وزیروں سمیت 450سے زائد لوگوں کو جیلوں میں ڈالا ،دنیا میں جو ممالک خوشحال ہیں وہاں قانون کی بالادستی ہے ۔
انہوں نے کہا کہ اگر ہم نے اپنے ملک کو ترقی کے راستے پر گامزن کرناہے تو ہمیں نبی ۖ ﷺکی اتباع کرنا ہوگی ۔وزیراعظم نے کہاکہ نبی ﷺ کی زندگی عظمت کا راستہ ہے ، ان کے راستے پر چلنے کے حکم میں ہماری بہتری ہے ۔
