سکھر،11اکتوبر(اے پی پی): ملک کو ایٹمی طاقت بنانے والے نامورسائنسدان و محسن پاکستان ڈاکٹر عبدالقدیرخان قوم کو اداس کر گئے۔ان کے سوگ کے باعث وکلاءنے سندھ ہائی کورٹ بار میں عدالتی کاروائی برخاست کردی اور ہائی کورٹ کے وکلاءکی جانب سے دعاءمغفرت کی گئی۔
ایڈوکیٹ رخسار جونیجو، ایڈوکیٹ علی گل عباسی اور ایڈوکیٹ حادی بخش بھٹ نے وکلاءکی جانب سے ڈاکٹر عبد القدیر خان کو خراج تحسین کیا اور ان کی وفات کو ایک قومی صدمہ قرار دیا۔ انہوں نے کہا ڈاکٹر قدیرخان نے اپنی صلاحیتوں سے ملکی دفاع کو ناقابل تسخیر بنایا پوری امت مسلمہ صدیوں تک ان کی خدمات کو یاد رکھے گی،خدا انہیں جوار رحمت میں جگہ دے۔
