لاہور 8نومبر (اے پی پی)صوبائی وزیر صحت ڈاکٹر یاسمین راشد نے تھیلیسیمیا فیڈریشن آف پاکستان کے زیر اہتمام منعقدہ 16ویں قومی تھیلیسیمیا کانفرنس میں شرکت کی فاطمہ جناح میڈیکل یونیورسٹی میں منعقدہ کانفرنس میں وائس چانسلر پروفیسرڈاکٹرعامرزمان خان،پرووائس چانسلر پروفیسر ڈاکٹرشیریں خاور،ڈاکٹرحسین جعفری،ڈاکٹریاسمین احسان،پروفیسرجاویدچوہدری، وڈیولنک کانفرنس کے ذریعے صدر تھیلیسیمیا فیڈریشن آف پاکستان جنرل(ر)معین الدین حیدر کے علاوہ فیکلٹی ممبران اور طالبات کی کثیرتعدادنے شرکت کی ڈائریکٹرجنرل پنجاب تھیلیسیمیا اینڈادرجنیٹک ڈس آرڈرپروینشن اینڈریسرچ انسٹی ٹیوٹ ڈاکٹرحسین جعفری نے آگاہی کانفرنس کے آغازمیں نیشنل تھیلیسیمیاکانفرنس کے اغراض ومقاصد بتائےڈاکٹرحسین جعفری نے اپنے خطاب میں پنجاب بھرمیں تھیلیسیمیاکی سکریننگ اورتشخیص کیلئے مہیاکی جانے والی مفت طبی سہولیات کی تفصیلات سے آگاہ کیاوائس چانسلر فاطمہ جناح میڈیکل یونیورسٹی پروفیسرڈاکٹرعامرزمان خان نے اپنے خطاب میں وزیرصحت ڈاکٹریاسمین راشد کی آمدکاشکریہ اداکیاجبکہ صوبائی وزیر صحت ڈاکٹریاسمین راشدنےاظہارخیال کرتے ہوئے کہا کہ معاشرہ میں تھیلیسیمیابیماری بارے شعورپیداکرنے کیلئےآگاہی کانفرنس کے انعقادپرتھیلیسیمیافیڈریشن آف پاکستان کے ذمہ داران کو مبارکباددیتی ہوں تھیلیسیمیا بیماری بارے شعورپیداکرنے کیلئے پاکستان کی تمام تھیلیسیمیا ایسوسی ایشنزہرسال آج کا دن مناتی ہیں پاکستان میں تھیلیسیمیا بیماری کی قبل ازپیدائش تشخیص پہلی بار1994میں ہوئی پاکستان تھیلیسیمیابیماری کی قبل از ولادت تشخیص کرنے والا پہلااسلامی ملک تھا ہم پنجاب میں تھیلیسیمیاکا دنیامیں سب سے بڑا پروینشن پروگرام چلارہے ہیں پاکستان میں تمام این جی اوزنے2001میں تھیلیسیمیاکے خلاف جہادکاعہدکیاتھااورجنرل فِزیشن ڈاکٹرسلیم نے پاکستان میں تھیلیسمیابیماری کی تشخیص وعلاج کیلئے بنیادی کرداراداکیافاطمہ جناح میڈیکل یونیورسٹی کی تھیلیسیمیا سوسائٹی پنجاب کے تمام 36اضلاع میں فرائض سرانجام دے رہی ہےپنجاب میں ابھی تک تین لاکھ خاندانوں کی تھیلیسیمیا کی فری سکریننگ کی جاچکی ہےڈاکٹریاسمین راشد نے مزید کہا کہ فاطمہ جناح میڈیکل یونیورسٹی پنجاب بھرمیں تھیلیسیمیابیماری بارے شعور پیداکرنے کیلئے آگاہی مہم چلارہی ہےامسال تھیلیسیمیا فیڈریشن آف پاکستان لاہور،ملتان،اسلام آباد،کراچی،کوئٹہ اور پشاورمیں تربیتی ورکشاپس کا انعقادبھی کررہی ہے اورپنجاب میں تھیلیسیمیا کے 27000رجسٹرڈ مریضوں کا علاج جاری ہےتھیلیسیمیاایک موروثی مرض ہےتھیلیسیمیاسے متاثرہ والدین کے پیداہونے والے بچوں میں 25فیصد شکارہونے کے امکانات ہوتے ہیں حکومت پنجاب صوبہ بھرمیں تھیلیسیمیا کی قبل ازپیدائش تشخیص کی سہولیات ڈی ایچ کیواور ٹی ایچ کیو کی سطح پر بالکل مفت فراہم کررہی ہے آج اللہ تعالی کے کرم سے تھیلیسمیا کے شکار بچے موثرعلاج کے بعد ملازمتیں اور شادیاں کرکے کامیاب زندگی گزاررہے ہیں ہماری کوششوں کے باعث پنجاب کے طالبعلموں کو نصاب کے اندرتھیلیسمیا بیماری بارے شعورپیداکیاجارہاہے ہمیں تھیلیسمیابیماری کو شکست دینے کیلئے یک جان ہوکرکام کرناہوگا ماضی میں تھیلیسمیاء کے مریض کی اوسط عمر 13سے14سال تھی جبکہ الحمداللہ اب تھیلیسیمیا کے مریض علاج کے بعد معمول کے مطابق کامیاب زندگی گزاررہے ہیں انھوں نے کہا کہ پنجاب میں 31دسمبرسے 2کروڑ93لاکھ خاندانوں کو صحت سہولت کارڈ کے اجراء کا آغازکیاجارہاہے اور پنجاب کے تمام سرکاری ہسپتالوں میں تھیلیسیمیاکے مریضوں کیلئے10بستربھی مختص کئے گئے ہیں ڈاکٹریاسمین راشد نے کورونا کے حوالے سے بات کرتے ہوئے کہا کہ پنجاب کی 53 فیصدآبادی کوکوروناسے بچاؤکی ویکسین لگائ جا چکی ہےپنجاب میں کورونااور ڈینگی کی صورتحال کا باقاعدگی سے جائزہ لیاجارہاہے اور لاہورسمیت پنجاب بھرکے تمام سرکاری ہسپتالوں میں روزانہ کی بنیادپر ڈینگی کے مریضوں کیلئے طبی سہولیات میں اضافہ کیاجارہاہےپنجاب کے سرکاری ہسپتالوں میں داخل ڈینگی کے مریضوں کیلئے پیناڈول دوائی سمیت ہر قسم کی ادویات دستیاب ہیں جبکہ ڈینگی فیلڈ ہسپتال ایکسپوسنٹرمیں بھی ڈینگی کے مریضوں کیلئے ہر قسم کی طبی سہولت دستیاب ہیں ریسکیو1122کو ڈینگی کے مریض کو ایمبولینس میں ہسپتال شفٹ کرنے کی ہدایت کی گئی ہےپہلے مرحلہ میں لاہوراور راولپنڈی کے تمام خاندانوں کو یونیورسل ہیلتھ انشورنس کی سہولت دی جائے گی وزیراعظم عمران خان عوام کی بہتری کیلئے پہلے دن سے کوشش کررہے ہیں۔
