لاہور،27 نومبر(اے پی پی ):وزیر مملکت برائے اطلاعات فرخ حبیب نے ہیلی کالج آف کامرس پنجاب یونیورسٹی میں دوسری سالانہ بزنس اینڈ کامرس کانفرنس سے خطاب اور میڈیا سے گفتگو کرتے ہوئے کہا ہے کہ وزیراعظم چاہتے ہیں کہ مزید ٹیکس کلیکشن کے ذریعے معیشت کا حجم بڑا کر کے قومی سرمایہ نوجوانوں پر صرف کیا جائے۔انہوں نے کہا کہ نوجوان ہمارا اثاثہ ہیں، کامیاب نوجوان پروگرام کے ذریعے 25ہزار نوجوانوں کو کاروبار کے لئے 30ارب روپے فراہم کر چکے ہیں ۔
فرخ حبیب نے کہا کہ احساس پروگرام کے تحت گزشتہ دو سالوں میں ڈیڑھ لاکھ مستحق طلبا کوسکالر شپ دے چکے ہیں جبکہ رواں سال 50ہزار مزید طلباء کو سکالر شپ دیں گے۔
