لاہور، 07سمبر(اے پی پی): وزیراعلیٰ پنجاب سردار عثمان بزدار نے محکمہ سیاحت کے ہیڈ آفس کا اچانک دورہ کیا۔وزیراعلیٰ عثمان بزادر بغیر پروٹوکول ساڑھے دس بجے محکمہ سیاحت کے آفس پہنچے،پرنسپل سیکرٹری وزیراعلیٰ بھی ہمراہ تھے۔
وزیراعلیٰ عثمان بزدار نے افسروں اور عملے کی حاضری چیک کی،سیکرٹری سیاحت اور دیگر افسروں و عملے کی دفتر سے غیر حاضری پر شدید برہمی کا اظہار کیا ، انہون نےسیکرٹری سیاحت کو فوری طور پر او ایس ڈی بنانے کا حکم دیا اور غیر حاضر افسروں اور عملے کو معطل کرنے کا حکم بھی دیا۔
انہوں نے کہا کہ ساڑھے دس بجے تک دفتر حاضر نہ ہونے والے افسروں اور عملے کو عہدوں پر رہنے کا کوئی حق نہیں، تاخیر سے دفتر آنا سرکاری فرائض میں غفلت ہے،غیر حاضر افسروں اور عملے کے خلاف تادیبی کارروائی کا حکم بھی دیا اور کہا کہ دفاتر میں وقت کی پابندی پر عملدرآمد یقینی بنایا جائے گا۔
انہوں نے کہا کہ ہر محکمے کا اچانک دورہ کروں گا محکمے کی کارکردگی اور افسروں کی حاضری کو تسلسل کے ساتھ مانیٹر کیا جائے گا،قت پر دفتر حاضر نہ ہونے والے افسروں اور عملے کے خلاف بلاامتیاز کارروائی ہوگی،سرکاری افسران اور عملہ اپنا قبلہ درست کر لیں اور کہا کہ محکمہ سیاحت کے افسروں اور عملے کے خالی دفاتر دیکھ کر سخت مایوسی ہوئی۔
سورس: وی این ایس،لاہور
