کوئٹہ، 08 دسمبر (اے پی پی ): وزیراعلیٰ بلوچستان میر عبدالقدوس بزنجو سے ڈی جی نیب بلوچستان فرمان اللہ خان نے ملاقات کی۔ڈی جی نیب نے وزیراعلیٰ کو نیب بلوچستان کی کارکردگی پر بریفنگ دی۔ ملاقات میں باہمی دلچسپی کے دیگر امور کے علاوہ بدعنوانی کی روک تھام کے اقدامات پر تبادلہ خیال کیا گیا۔
اس موقع پر وزیراعلیٰ بلوچستان میر عبدالقدوس بزنجو نے کہا کہ بدعنوانی کی سدِباب کیلئے نیب کی کاوشیں قابل تعریف ہے، بدعنوانی پر قابو پائے بغیر انصاف اور خوشحالی پر مبنی معاشرے کے قیام کا مقصد حاصل نہیں ہو سکتا ،ترقیاتی وسائل کا صیح استعمال صوبائی حکومت کی اولین ترجیح ہے۔ انہوں نے کہا کہ کرپشن پر حکومت کی برداشت کی حد صفر ہے اور صوبائی حکومت ترقیاتی منصوبوں کے فنڈز کے صیح استعمال کو ہر صورت یقینی بنائیں گےاور صوبائی محکمہ انسداد بدعنوانی اور وزیراعلیٰ معائنہ ٹیم کو کرپشن کے خلاف مزید فعال کیا جاۓ گا۔
ملاقات میں کرپشن کے خلاف متعلقہ صوبائی محکموں اور نیب کے مابین مربوط روابط کے قیام پر اتفاق کیا گیا۔ڈی جی نیب نے وزیراعلیٰ بلوچستان میر عبدالقدوس بزنجو کو عالمی یوم بدعنوانی کے سیمینار میں شرکت کی دعوت دی۔
سورس؛وی این ایس، کوئٹہ
