ملتان، 22 جنوری(اے پی پی ):ضلع ملتان میں 3 روزہ خصوصی پولیو مہم کا آغاز ہو گیا،ڈپٹی کمشنر عامر کریم خاں نے شہباز شریف ہسپتال میں بچوں کو پولیو کے قطرے پلا کر مہم کا افتتاح کیا۔ڈپٹی کمشنر ملتان نے کہا کہ 24 جنوری سے شروع ہونے والی 3 روزہ مہم میں 8 لاکھ سے زائد بچوں کو قطرے پلائیں جائینگے ، پولیو مہم کی کامیابی کیلئے ضلعی انتظامیہ نے سخت اقدامات کا فیصلہ کیا ہے جبکہ پولیو قطرے پلانے سے انکار کرنے والوں کیخلاف سخت کارروائی ہوگی ۔ انہوں نے کہا کہ محکمہ صحت کی 2991 ٹیمیں 5 سال سے کم عمر کے بچوں کو حفاظتی قطرے پلائیں گی۔ ہسپتال،ڈسپینسری، بس، ویگن اسٹینڈ اور ریلوے سٹیشن پر بھی ٹیمیں موجو رہیں گی۔سی سی او ہیلتھ ڈاکٹر شعیب گورمانی نے کہا کہ پولیو مہم کے دوران کورونا ویکسینیشن بھی جاری رہے گی جبکہ عوام اپنے پانچ سال سے کم عمر بچوں کو پولیو سے بچاؤ کے حفاظتی قطرے ضرور پلائیں ۔
سورس : وی این ایس، ملتان
