پاکپتن، 02 مارچ(اے پی پی): پریس کلب پاک پتن میں بلوچ کلچر ڈے کے موقع پر رنگارنگ تقریب سجائی گئی ،تقریب میں ڈھول کی تھاپ پر بلوچی جھومر اورگھوڑا ڈانس نے سماں باندھ دیا ۔
پریس کلب پاکپتن میں بلوچ کلچر ڈے کے موقع پر اونٹ سواری، گھوڑا ڈانس، بلوچی جھومر پیش کرتے ہوئے بلوچی ثقافت کو فروغ دیا گیا ۔تقریب میں بلوچ مہمانوں کو بگھی میں لایا گیا۔ بلوچی بھائیوں نے کلچر ڈے کے موقع پر خوب ہلا گلا کیا۔
بلوچی بھائیوں کا کہنا ہے کہ کلچر ڈے منانے کا مقصد ملک سے حب الوطنی یکجہتی کے اظہار کے ساتھ ساتھ بلوچ کلچر اجاگر کرنا ہے تاکہ بلوچی ثقافت زندہ رہ سکے۔
