مری،21 جولائی (اے پی پی): ٹریفک پولیس نے بارش کے دوران ٹریفک کی روانی کو برقرار رکھنے کےلئے ٹریفک انتظامات مکمل کر لیے ہیں۔سی ٹی او راولپنڈی نوید ارشاد کیجانب سے سرکل انچارجز کو بارش کے دوران ٹریفک کی بہترین روانی اور روڈ یوزرزکی مدد کو یقینی بنانےکی ہدایات کی گئی ہے۔
سی ٹی او راولپنڈی نوید ارشاد نے کہا کہ مری میں بارش کے دوران غیر ضروری سفر سے گریز کریں۔ لفٹرز، بریک ڈاونز پیٹرولنگ حالت میں رہیں اور شہریوں کو ہر ممکنہ مدد فراہم کریں۔انہوں نے کہا کہ بارش کے دوران دھند یا فوگ ہونے کی وجہ سے ڈبل اینڈکیٹر کا استعمال کریں ،مری میں دھند ہونے کی وجہ سے اپنی رفتار انتہائی کم رکھیں اور اگلی گاڑی سے مناسب فاصلہ رکھیں۔
سی ٹی او نے کہا کہ مری میں ٹریفک قوانین کی سختی سے پابندی کریں یہ آپ کی سہولت کے لیے ہیں ۔انہوں نے کہا کہ ٹریفک وارڈنز ہر قسم کے مشکل موسمی حالات میں بھی شہریوں کو بہترین خدمات کی فراہمی کی اولین ترجیح پر کار بند ہے۔
