لاہور12ستمبر( اے پی پی )چیف سیکرٹری پنجاب کامران علی افضل کی زیر صدارت سول سیکرٹریٹ میں اجلاس ہوا۔ اجلاس میں چیف سیکرٹری نے ڈینگی ایس او پیز کی خلاف ورزی کرنے والوں کیخلاف کارروائی تیز کرنے کی ہدایت کی اور کہا کہ ڈینگی ایس او پیز کی خلاف ورزی پر کوئی رعائیت نہ برتی جائےہائی رسک اضلاع بالخصوص راولپنڈی میں ایس او پیز کی خلاف ورزی پر کارروائی تیز کی جائے۔انہوں نے کہا کہ ڈینگی پر قابو پانے کیلئے لاروا کی تلفی نہایت ضروری ہے۔ان ڈور اور آؤٹ ڈور سرویلنس پر خصوصی توجہ دی جائے ڈینگی کے خاتمے کیلئے مشترکہ کوششوں کا تسلسل ضروری ہے۔فسران اسی محنت اورجذبے سے کام جاری رکھیں۔سیکرٹری پرائمری ہیلتھ نے اجلاس کو تفصیلی بریفنگ کے دوران بتایا کہ ایس او پیز کی خلاف ورزی پر ایک ہفتے کے دوران 107افراد کو گرفتار، 712مقدمات درج کئے گئے لاہور میں 65، راولپنڈی11،گوجرانوالہ 16،بھکر 8،شیخوپورہ 4، چکوال 2، اٹک میں ایک شخص گرفتار کیا ۔صوبہ میں رواں سال اب تک2278کنفرم ڈینگی کیسز اورچاراموات رپورٹ ہوئی ہیں۔ایڈیشنل چیف سیکرٹری، مختلف محکموں کے سیکرٹریز اورمحکمہ صحت کے افسران نے اجلاس میں شرکت کی تمام ڈویژنل کمشنرز اور ڈپٹی کمشنرز ویڈیو لنک کے ذریعے شریک ہوئے۔
