اوکاڑہ،27اکتوبر(اےپی پی): ریسکیو 1122 سنٹرل اسٹیشن اوکاڑہ پرسالانہ تقریب برائے تقیسم ِ تعریفی اسناد و سرٹیفکیٹ منعقد ہوئی۔
اس موقع پر ریسکیورز سے خطاب کرتے ہوئے ڈسٹرکٹ ایمرجنسی آفیسر ظفر اقبال نے کہا کہ لیڈر وہ ہوتا ہے جو راستہ جانتا ہو، راستے پر چلتا ہو اورراستہ دکھاتا ہے اور ہمارے محترم قائد و بانی ڈائریکٹر جنرل پنجاب ایمرجنسی سروس ڈاکٹر رضوان نصیر (ستارہ ِامتیاز)ان تمام خوبیوں کے حامل ہیں اور انکی کاوشوں کی نتیجے میں پاکستان بھر میں ریسکیوسروس کا قیام اور عام عوام کیلئے ایک ہی فون کال پر بہترین سروس فراہم کرنا ممکن ہوا ہے،جس پر ہم انکو خراجِ تحسین پیش کرتے ہیں۔
انہوں نے کہا کہ تمام ریسکیورز بشمول میرے ہم سب کو اپنی فیزیکل فٹنس پر بھرپور توجہ دینی چاہیے اور اس کیلئے ہمیں روزانہ ورزش کرنی چاہیئے، اپنی ڈیوٹی خوش اسلوبی اور ایمانداری سے سر انجام دینی چاہیے۔
ان کا مزید کہنا تھا کہ یہ تقریب ریسکیورز کی حوصلہ افزائی کیلئے ہے جنہوں نے پورا سال پوری جانفشانی، لگن اور جذبے کے ساتھ اپنے فرائض سر انجام دیے جن روزمرہ کے حادثات کے علاوہ محرم الحرام، عیدین، یومِ پاکستان، یومِ آزادی کے ساتھ ساتھ ایمرجنسی پروٹوکول ڈیوٹیاں شامل ہیں۔ تمام ریسکیورز کے ساتھ ساتھ تینوں تحصیلوں کے انچارجز بھی اپنے اپنے فرائض خوش اسلوبی اور جانفشانی سے ادا کرنے پر شاباش کی مستحق ہے۔
تقریب کے اختتام پرڈسٹرکٹ ایمرجنسی آفیسر ظفر اقبال، کنٹرول روم انچارج اور ریسکیو سیفٹی آفیسرز نے سالانہ کارکردگی کی بنیاد پربیسٹ ریسکیورز میں شیلڈزاور تعریفی سرٹیفیکٹس تقسیم کیے گئے۔
