کوئٹہ،24 مئی (اے پی پی):34نیشنل گیمز کے تن سازی ایونٹ میں پاکستان واپڈا کے یاسین خان نے مسٹر پاکستان اولمپیا 2023کا ٹائٹل اپنے نام کر لیا، واپڈ ا نے 9گولڈ، 4سلور اور 4کانسی کے ساتھ پہلی، آرمی نے ایک گولڈ 5سلور اور 2کانسی کے ساتھ دوسری، بلوچستان نے ایک سلور کے ساتھ تیسری پوزیشن حاصل کی۔
کوئٹہ میں جاری 34ویں نیشنل گیمز میں تن سازی کے مختلف کیٹگری مقابلے منعقد ہوئےجس میں پاکستان واپڈا نے میدان مار لیا، پاکستان واپڈا کے یاسین خان نے مسٹر پاکستان اولمپیا2023کا ٹائٹل بھی اپنے نام کر لیا۔
واپڈا پوانٹس ٹیبل پر 9 گولڈ چار سلور اور چار کانسی کے تمغوں کے ساتھ 150پوانٹس حاصل کر کے پہلے نمبر پر، آرمی ایک گولڈ، پانچ سلور اور دو کانسی کے ساتھ 76پوانٹس حاصل کر کے دوسری، بلوچستان نے ایک سلور کے ساتھ 15پوانٹس حاصل کر کے تیسری پوزیشن حاصل کی ، ایچ ای سی دو کانسی، خیبرپختونخوا ایک کانسی اور پنجاب بھی ایک کانسی کا تمغہ حاصل کر سکا جبکہ پولیس اور سندھ میڈلز کی دوڑ میں ناکام رہے ۔
