پشاور، 07 جولائی (اے پی پی):جسٹس محمد ابراہیم خان نے بطور قائمقام چیف جسٹس پشاور ہائیکورٹ عہدے کا حلف اٹھا لیا۔
گورنر ہاؤس پشاور میں نوتعینات قائمقام چیف جسٹس پشاور ہائیکورٹ محمد ابراہیم خان سے گورنر خیبرپختونخوا حاجی غلام علی نے بطور قائمقام چیف جسٹس عہدے کاحلف لیا۔ تقریب میں سیکرٹری قانون شگفتہ نوید نے جسٹس محمد ابراہیم خان کی بطور قائمقام چیف جسٹس پشاور ہائی کورٹ تقرری کا صدارتی اعلامیہ پڑھ کر سنایا ۔گورنرخیبرپختونخوا حاجی غلام علی کی قائمقام چیف جسٹس پشاور ہائیکورٹ جسٹس محمد ابراہیم خان کو نئی ذمہ داریوں پر مبارکباد، نیک خواہشات کا اظہار کیا،تقریب حلف برداری میں پشاور ہائیکورٹ کے ججز، وکلاء، نگران صوبائی وزرا ء فضل الہی، ساول نذیر ایڈوکیٹ،جسٹس(ر)ارشاد قیصر،نگران وزیراعلیٰ کے مشیر پیر ہارون شاہ، رحمت سلام خٹک، حاجی ہدایت اللہ خان، ڈاکٹرریاض انور، آئی جی پولیس اختر حیات خان، مختلف محکموں کے انتظامی سربراہان نے شرکت کی ۔
