جوہرآباد،13 جولائی (اے پی پی ):ڈپٹی کمشنر ذیشان شبیر رانا نے طبی سہولیات کا جائزہ لینے کیلئے ڈی ایچ کیو ہسپتال جوہرآباد کا دورہ کیا۔ان کے ہمراہ اسسٹنٹ کمشنر خوشاب رانا نعمان محمود بھی تھے۔ہسپتال کے دورہ کے دوران ایم ایس ڈی ایچ کیو ہسپتال نے انہیں ہسپتال کے مختلف شعبہ جات اور ایمرجنسی وارڈ کا معائنہ کروایا۔
ڈپٹی کمشنر نے ڈاکٹروں سے کہا کہ ان کی ڈیوٹی خدمت خلق کے جذبہ سے سرشار ہونی چایئے،اللہ تعالیٰ کی مخلوق سے ہمدردی اور محبت سب سے بڑی نیکی ہے۔
اپنے دورہ کے دوران ڈپٹی کمشنر نے ایمرجنسی وارڈ اور دیگر وارڈز میں ایکویمنٹس کا جائزہ لیتے ہوئے ایم ایس کو وارڈز میں نصب شدہ خراب ائیر کنڈیشنز کی فوری مرمت کروانے اور اسکی سہولت مریضو ں کو فراہم کرنے کی سختی سے ہدایت کی۔
