مری، 13 جولائی (اے پی پی ): ریجنل ایمرجنسی آفیسر ڈاکٹر عبدالرحمن نے اپنی ٹیم کے ہمراہ ریسکیو 1122 مری کا اچانک دورہ کیا۔دورے کا بنیادی مقصد گرمائی سیزن پر بنائے جانے والے ایمرجنسی کور پلان کا مکمل جائزہ لینا تھا،تشکیل دیے جانے والے ایمرجنسی کور پلان کے مطابق تمام ایمرجنسی ایمبولینسنز،فائر ٹینڈرز،سپیشل ریسکیو وہیکلز،کنٹرول روم، اسٹیشنز اور آپریشن میں موجود ریسکیو اہلکاروں کی کارکردگی کا جائزہ لینا تھا۔
ڈسٹرکٹ ایمرجنسی آفیسر نے گرمائی سیزن پر بنائے جانے والے ایمرجنسی کور پلان اور گزشتہ چھ ماہ کی کارکردگی رپورٹ پر تفصیلی بریفنگ لی ،ایمرجنسی کور پلان کے مطابق مری میں مستقل قائم ریسکیو اسٹیشنز چھرہ پانی جی ٹی روڈ،سترہ میل ایکسپریس وے،بائی پاس روڈ پنڈی پوائنٹ اور کجھٹ ایکسپریس وے میں ریسکیو اہلکار دستیاب وسائل کے ساتھ اپنے فرائض سر انجام دے رہے ہیں۔
ڈسٹرکٹ ایمرجنسی آفیسر کا کہنا تھا ریسکیو 1122 کنٹرول روم چوبیس آپریشنل ہے،امدادی ہیلپ لائن 1122 پر موصول ہونے والی ہر ایک کال پر بروقت امدادی کارروائیوں کا عمل جاری ہے،شہری خراب موسم سے پہلے اپنی گاڑیوں کا معائنہ ضرور کروائیں،شہری دوران سفر احتیاط سے ڈرائیونگ کریں،ٹریفک قوانین پر مکمل عمل کریں اور انتظامیہ کی طرف سے جاری کردہ پلان پر عمل کریں۔
