لاہور، 15جولائی(اے پی پی): گورنر پنجاب محمد بلیغ الرحمن سے گھانا کے ہائی کمشنر ایرک اوسو بوٹینگ نے ملاقات کی۔ ملاقات میں دو طرفہ تجارتی تعلقات کو فروغ دینے پر تبادلہ خیال کیا گیا۔ گورنر پنجاب نے گھانا کے ہائی کمشنر کو اقوام متحدہ کی سلامتی کونسل کی 2022 میں کامیاب صدارت پر مبارکباد دی۔
گورنر پنجاب نے گفتگو کرتے ہوئے کہا کہ دونوں ممالک کے درمیان عوامی سطح پر رابطے بڑھانے کی ضرورت ہے،پاکستان میں فارن ڈائریکٹ انویسٹمنٹ کے وسیع امکانات موجود ہیں۔انہوں نے کہا کہ دو طرفہ تجارت کو فروغ دینے کے لیے دونوں ممالک کے درمیان تجارتی وفود کے تبادلے ہونے چاہئیں، پاکستان میں غیر ملکی سرمایہ کاروں کے لیے سازگار ماحول ہے۔
گورنر پنجاب نے کہا کہ چائنہ اقتصادی راہداری پروجیکٹ کے تحت ایسپورٹ پرسیسنگ زونز بنائے جا رہے ہیں۔ دونوں ممالک کے درمیان تعلیم کے شعبے میں تعاون کو بڑھانے کی ضرورت ہے۔ انھوں نے کہا کہ پاکستانی جامعات بین الاقوامی درجہ بندی میں بہتر پوزیشن پر ا رہی ہیں۔
ہائی کمشنر گھانا نے گفتگو کرتے ہوئے کہا کہ گھانا میں پاکستانی ٹیسٹائل مصنوعات کی ایکسپورٹ کے وسیع مواقع موجود ہیں۔ انہوں نے کہا کہ پاکستان کے ساتھ تجارتی تعلقات کو مذید فرغ دیا جائے گا۔
