لاہور،30جولائی (اے پی پی):وزیراعظم محمد شہباز شریف سے گورنر پنجاب محمد بلیغ الرحمن نے اتوار کو یہاں ملاقات کی اورصوبے کی مجموعی امن و امان کی صورتحال پر تبادلہ خیال کیا۔ ملاقات میں نگران وزیراعلی پنجاب محسن نقوی، چیف سیکرٹری اور انسپیکٹر جنرل پنجاب پولیس بھی شامل تھے۔
ملاقات میں صوبے کی مجموعی امن و امان کی صورتحال پر بریفنگ دی گئی۔ وزیرِ اعظم محمد شہباز شریف نے یوم عاشور پر پنجاب میں امن و امان کی صورتحال برقرار رکھنے پر پنجاب کی انتظامیہ اور پولیس کی کارکردگی کی پذیرائی کی۔
