ملتان،30 اگست(اے پی پی): عبدللہ پل انڈسٹریل اسٹیٹ میں باردانے کی فیکٹری میں آگ لگ گئی جس پر ریسکیو 1122 نے قابو پالیا۔باردانے والی فیکٹری میں شارٹ سرکٹ کی وجہ سے آگ لگی ۔
ریسکیو حکام نے کہا کہ کالر کے مطابق انڈسٹریل اسٹیٹ میں باردانے کی ورکشاپ میں آگ لگی ہوئی ہے جوتیزی سے اطراف میں پھیل رہی ہے،ریسکیو کنٹرول روم نے اطلاع ملتے ہی جائے حادثہ پر ریسکیو ایمبولینس اور ریسکیو فائر وہیکلز اور ریسکیو ٹیمیں بھیجوا دیں، ریسکیو اہلکاروں نے بروقت آپریشن کرکے آگ پر قابو پا لیا اور کولینگ کا پروسس مکمل کر لیا گیا ہے۔
