بھکر،30ستمبر(اے پی پی):بھکر پولیس کی جانب سے شہریوں کے سفر کو محفوظ بنانے کے لئے شعور آگاہی کیمپ کا انعقاد کیا گیا۔ڈی پی او محمد نوید اور ڈی ایس پی ٹریفک شہزاذ فیض کے حکم پر شہریوں میں مفت ہیلمٹ تقسیم کیے گئے۔
ڈی پی او محمد نوید نے کہا کہ ہیلمٹ تقسیم کرنے کا مقصد شہریوں کو ہیلمٹ کے استعمال کو یقینی بنانے کے متعلق شعور دلانا ہے،شہری موٹر سائیکل ڈرائیونگ کے دوران ہیلمٹ کا استعمال لازمی کریں ، ہیلمٹ کا استعمال نہ صرف قانون کی پاسداری ہے، بلکہ آپ کے سفر کو محفوظ بنانے کی ضمانت بھی۔
ڈی ایس پی ٹریفک ملک شہزاد فیض کا کہنا تھا کہ ہیلمٹ کے بغیر ڈرائیونگ کرنے والے شہریوں کے خلاف کریک ڈاؤن جاری ہے،دوران ڈرائیونگ ٹریفک قوانین کی پاسداری تمام شہریوں کا فرض ہے۔
