وہاڑی،30ستمبر(اے پی پی ): ڈپٹی کمشنر سید آصف حسین شاہ نے سی ای او ہیلتھ ڈاکٹر محمد صدیق کے ہمراہ ڈی ایچ کیو اسپتال میں بچوں کو قطرے پلا کرضلع بھر میں 3 روزہ انسدادِ پولیو مہم کا افتتاح کر دیا ہے ۔
اس موقع پر ڈپٹی کمشنر سید آصف حسین شاہ نے کہا کہ انسداد پولیو مہم کے دوران پانچ سال تک کی عم کے 6 لاکھ 22 ہزار 516 بچوں کو قطرے پلائے جائیں گے۔انہوں نے کہا کہ 2374 ٹیمیں 5 سال تک کی عمر کے بچوں کو پولیو کے قطرے پلانے کے لیے مقرر کی گئی ہیں جبکہ 2176 ٹیمیں گھر گھر جا کر پولیو ویکسین کے قطرے لازمی پلائیں۔
ڈپٹی کمشنر سید آصف حسین شاہ نے مزید کہا کہ انکاری والدین سے بحث میں وقت ضائع کرنے کی بجائے فوری ضلعی انتظامیہ کو اطلاع دیں۔
سی او او ہیلتھ ڈاکٹر محمد صدیق نے بتایا کہ 109 ٹیمیں سرکاری ہسپتالوں،ڈسپنسریوں میں قطرے پلائیں گی، 89 ٹیمیں بس ویگن اسٹینڈ،ریلوے اسٹیشن،بس اسٹاپ پر بچوں کو پولیو قطرے پلائیں گی 402 ایریا انچارج پولیو ٹیموں کی نگرانی کریں گے، انسداد پولیو 4 اکتوبر تک جاری رہیگی 5 اور 6 اکتوبر کو باقی بچ رہنے والے بچوں کو پولیو ویکسین کے قطرے پلائے جائیں گے۔
ڈپٹی کمشنر نے ہدایت کی کہ سیلاب سے متاثرہ علاقوں اور خانہ بدوشوں کے بچوں کو پولیو ویکسین کے قطرے لازمی پلائے جائیں۔انہوں نے کہا کہ انسدادِ پولیو مہم قومی فریضہ ہے اسے محنت دیانت داری اور فرض شناسی سے انجام دیں۔
