ملتان ،23اکتوبر (اے پی پی ): کمشنر انجینئر ڈویژن انجینئر عامر خٹک نے شادی ہالز میں ون ڈش کی خلاف ورزی کا سخت نوٹس لیتے ہوئے ڈپٹی کمشنرز کو فوری کریک ڈاؤن شروع کرنے کے احکامات جاری کر دیے ہیں۔
اس حوالے سے کمشنر نے کہا کہ شادی کے تمام فنکشنز پر ون ڈش کی پابندی عائد ہے، گھروں میں شادی کی تقریبات پر بھی ون ڈش کی خلاف ورزی کی اجازت نہیں۔انہوں نے کہا کہ ون ڈش کی خلاف ورزی پر شادی ہال مالکان، ایونٹ آرگنائزر پر بھی مقدمہ درج کروایا جائے گا اور شہری کسی بھی پریشانی سے بچنے کیلئے حکومتی احکامات پر عملدرآمد کریں۔
