لنڈی کوتل ، 23 اکتوبر (اے پی پی ):طورخم بارڈر زیرو پوائنٹ پر الیکٹرانک ویزہ ویریفیکیشن سسٹم لگا دیا گیا ہے۔
اس موقع پر اے ڈی ایف آئی اے یاسر عرفات نے کہا کہ افغانستان سے پاکستان آنے والے مسافروں کی سہولت اور پاکستان کو غلط لوگوں کی انٹری روکنے کیلئے الیکٹرانک ویزہ ویری فیکیشن سسٹم کو اریول ہال سے منتقل کرکے زیرو پوائنٹ پر لگا دیا گیا ۔انہوں نے کہا کہ ای ویزہ سسٹم زیرو پوائنٹ پر نصب کرنے سے جعلی ویزوں کی روک تھام جبکہ افغانستان سے آنے والے مصدقہ مسافروں تک رسائی آسان ہوگی جو بغیر رش کے تمام کلئیرنس زیرو پوائنٹ پر کرکے آسانی کے ساتھ جائینگے۔
